返回列表 發帖
回復 160# wyk


    無一條永恆合用的LINK,因為款款機唔同。如是領都TOSHIBA原裝機的話,先借梯,爬上去,拆出隔塵網,拆埋隔塵網個膠殼,再鬆螺絲(如有需要)。室內機個外殼在頂和底各有兩個鈎在裏面鈎住,要用力按入去才能拉出,用陰力慢慢搞,先鬆下面兩個,再鬆上面兩個,會易少少。拆開後用電筒照下,底部有一條槽,如你已一直滴水,你會見到條槽積滿水,用紙索乾水,用少少廁紙包住小木簽,小心撩出裏面的塵,撩一次換一次紙。在左機底或右邊機底(視乎你邊間房)有一個小洞,通常你滴水的話你會見到有塵積住,撩走佢,再用條像筋咁上下粗的包膠電線隊入去通佢,最好隊入去50厘米以上,來回抽拉。最後,用一條膠喉(魚缸內氣泵用的那種粗幼)塞入去個窿,出力吹十下八下,搞掂。如你仍然有力有時間有心機,可順便清洗製冷片,用清水,牙刷,慢慢清潔。如是者,整個過程我大概一部機要三小時,因我對機器是低能的。順帶一提,我事前搜集資料搵齊晒上文的所有工具材料。

TOP

補充吓先,我試過搵TOSHIBA原廠師傅來搞,當時好似450元,佢搞了十分鐘,佢仲要無同我徹底清乾淨條底槽,只是做吹氣那部分。一年後又滴過水,我激氣,不求人,自己搞。香港的服務行業真係......我投降,好似俾錢係應該,合格的服務就免問咁款。喂,大佬,我有俾錢,點解唔俾番相應的服務質素?老老實實,在日本唔會咁(唔好插我,我不崇日,我講事實,我去日本咁多次,所有服務無受過氣)

TOP

香港所有服務性行業,比大陸更差!試過部兄弟牌打印機維修,保養期內,位師傅打電話來,用招積口徑,你部機用不是原装墨水喎!唔好希望免費吖!如不付費,七日不取回,維修部會棄置!頂!發誓以為不買此牌!

TOP

返回列表