本帖最後由 yiko26 於 2018-1-31 23:02 編輯
平時都經常會發出低頻噪音在工業村一帶， 但近日問題日趨嚴重。 聲音有如長期有飛機飛行的噪音，想錄音給有關部門跟進因為聲音是屬於低頻無法錄到。另外加上聲音入夜後更加明顯而且無間斷地不斷發出聲響，甚至乎深夜時分聲音完全冇減弱嘅跡象，令人無法睡眠因為低頻聲音很困擾。
請問各位住喺領都向着工廠區一帶嘅街坊，有冇發現到近期呢個問題好嚴重亦都好困擾？因為呢個聲響冇辦法可以查面有邊一個工業產生，另外都令人感到好擔憂點解一啲工廠可以廿四小時運作而佢哋嘅運作係做緊啲乜嘢嘅工作呢？會唔會排放到一啲有害氣體？或者其他影響身體嘅嘢呢除咗噪音之外！
依家屋企嘅老人家搞到無覺好瞓晚晚都聽住呢啲極為困擾嘅低頻聲音，已經向議員投訴，都同環保署投訴過但亦冇任何跟進而且聲音晚晚都不斷增大，希望有留意到呢個問題嘅街坊一齊投訴一下一齊解決呢個問題。因為真係唔知道點解一啲工廠會深夜時分都可以發出到一啲咁困擾嘅聲音唔知佢哋究竟係做緊啲乜嘢！ |
發表於 2018-1-31 21:50
| 
