返回列表 發帖

【搜查線】燒鵝愈食愈貴 賣$500一隻有苦衷?

兩個死宅戰鬥力等同一隻家鵝


https://hk.news.yahoo.com/%E4%BB ... 1%9E-121338056.html

【搜查線】燒鵝愈食愈貴 賣$500一隻有苦衷?
on.cc 東網        2018年2月4日 下午8:13

「邊個話我傻?我請佢食燒鵝!」想有人請食燒鵝,以後可能唔係咁易了。皆因現時的燒鵝,一隻索價逾500港元?近日網上有貼文指,元朗一間燒鵝店「又加價」,全隻燒鵝現售508港元,半隻則售268港元,令網民議論紛紛。有人猜測是業主加租壓力所致,亦有人認為該店因「發哥」幫襯過有「光環」,才大膽收取高價。不過老闆就大呻,10多年來甚少加價,今次實在是「有苦衷」!

滿口油香的鵝皮,夾雜肉汁精華,齒頰留香,皮脆肉香的燒鵝,從來都是香港人喜愛的食物之一。該間在元朗甚具名氣的燒鵝店,就連外國人都會慕名前往,老闆余先生表示,開店至今10多年,近日加價,全因來貨價大幅上漲,「上年10月尾啲鵝開始貴,一路咁加,因為壓力實在太大,所以咪一定要加價!」他指,近日原隻燒鵝比原價加了60港元,半隻則加了20港元。

余老闆表示,店中所用的鵝隻來自佛山,「來貨就最少都貴咗三、四成......可能上面凍啲,又可能啲產量少咗,而且人民幣又升高咗!」他又指,冰鮮鵝的來貨價一年比一年高,迫不得已之下才要加價,如他日價格下調,會對燒鵝售價再作調整,「你見我貼咗紅紙,但全部啲餐牌都未改,係暫時加價,有空間嘅咪下調番。」雖然加了價,不過店舖生意似乎未受影響。採訪當日,顧客仍是絡繹不絕。

熱騰騰的燒鵝,配上一碗瀨粉或者白飯,都會令人回味無窮。香港冰鮮禽畜業商會主席郭時興表示,「香港人愈嚟愈識食,貪佢啲肉夠彈牙,需求大咗,貨源都好緊張。」郭指,現時鵝鴨每日入口35000隻,需求愈來愈多,令售價高企在30多元一斤。

郭補充,臨近新年,鵝鴨加價不無原因,「其實有幾個因素,天氣咁凍家禽會多病,所以貨源少咗,而且過年工人要返鄉下,人手不足都係問題。」他又指,因政策關係,現時內地的鵝鴨養殖場愈來愈少,亦漸遷往偏遠地區,「鵝鴨係放養,唔似雞,要好大地方,所以都搬晒去偏遠地方,例如廣西等,運輸成本又高咗。」
向亂花泥頭費說Οχι (希臘語: 不), 向天價加圍標標書說止め (AV語: 不要), 向跟進執修不力說non (法語: 不)

緻藍天非緻南天更非致癌天
Hemera (ἡμέρα) not Hermera not Carcinogenimera (Carcinogenic+Hemera)

返回列表