返回列表 發帖
長實管理差 玩殘都會駅
小業主:商場烏煙瘴氣拖低樓價


【記者黃偉駿報道】小業主反長實之火不斷蔓延。將軍澳都會駅一眾小業主不滿長實旗下都會駅商場管理烏煙瘴氣,今日發起遊行抗議。小業主炮轟,長實管理不善,導致商場 衞生欠佳及設施失修,又任由送貨的手推車在商場內橫衝直撞,數年間有數十名住客被撞傷。小業主狠批,長實為求賺到盡而濫招商戶,拖低商場格調,令屋苑樓價升幅遜於同區。

長實被指賺到盡,連商場通道位置也出租做貢茶攤位(左)及格仔舖(右),不但拖低商場格調,更嚴重阻塞通道。

都會駅逾百名小業主今日上午 11時會在商場內遊行,抗議商場大業主長實兼旗下的置富產業信託管理不善。業主委會員主席李栢棠表示,屋苑的管理服務由港鐵負責,商場管理則歸長實,入伙數年來商場整體管理質素與形象每下愈況。

李栢棠表示,商場衞生欠佳,廁所經常傳出惡臭,設施也沒有妥善維修,地磚經常破裂。他批評長實作為大企業,但是管理商場時欠缺規劃,「送貨嘅手推車,同啲住客、途人用埋同一條路,成日橫衝直撞,整傷人」。

數年來,單是業委會曾接獲的住客被撞傷報告已多達 20至 30宗,相信有更多人沒有向業委會投訴,李栢棠說:「我老婆大肚嗰陣,就差啲被撞到。」

最令小業主不滿的是,長實將商場的格調不斷拖低,現時大約 30間商舖,有多達 7至 8間是麪包店,「但受住客歡迎嘅凉茶舖、中醫館,就畀佢加租逼走晒」。李栢棠批評長實為求賺到盡而濫招商戶,「好多人嚟到都會駅,都慨嘆我哋商場,點解連隔籬領匯(居屋彩明苑)嘅管理都不如。」

李栢棠指都會駅二期於 06年入伙時,呎價超過 4,000元,高於同區的維景灣畔,惟數年過後,呎價如今已被維景灣畔「爬頭」,歸咎正是被商場管理拖累。

李栢棠表示,業委會或港鐵均對長實沒有任何問責權力,各方只以項目發展委員會作為溝通平台。惟長實一直沒有理會小業主的投訴,近月更變本加厲,在地下商場的主要通道位置,割出部份地方出租做貢茶攤位及格仔舖,「平時返工住客去港鐵站都要經公眾通道,家開咗兩間舖,繁忙時間就好逼、好危險」。

李栢棠說曾多次致電置富的負責人,「唔係開緊會、冇返工就係請病假」。他坦言大部份小業主都不想搞事,但「商逼民反」,「如果我哋唔做番啲嘢,成個屋苑就永無翻身之日」。


http://hk.apple.nextmedia.com/te ... amp;art_id=15044452

TOP

今日都會站,明日4期商場!

Eddie,我地是咪要一齊去民政事務處反映下

TOP

[b]逼走雜貨店便利店 映灣坊 1/3是地產舖

【本報訊】長實的商場管理不但被批評拖低屋苑形象,更令小業主「無啖好食」。港鐵住宅業主權益聯會主席林悅表示,東涌映灣園的商場映灣坊,自從兩年前被長實收購後,不斷有商舖被加租逼走,至今有近三分一商戶是地產代理,令小業主購買日用品或食物也遇到困難。

本身是映灣園業委會成員的林悅表示,映灣坊於大約兩年前被置富產業信託收購,近月陸續有商戶被加租逼走,包括深受住客歡迎的雜貨店及入伙開業至今的 7-Eleven便利店,令一眾住客日常生活大為不便,「我哋好多住客都喺機場返工,好多時輪更制要半夜先返屋苑,家連七仔都冇埋,想買啲嘢食吓都唔得」。

林悅批評,長實在有商戶結業後,只會問商場內的地產代理有沒有興趣承租,至今映灣坊 30個商號,已有 9個是地產代理,「對地產代理都唔係咁好,多咗咁多競爭」。他質疑長實為求「篤數」,令商場收支平衡,於是一味租予出價高的商戶,漠視住客需要,呼籲長實不要太短視,「冇晒生活功能嘅商戶,人流會減低,到時商舖租值都會跌」。
http://hk.apple.nextmedia.com/te ... amp;art_id=15044453

TOP

政情:哪吒黐發叔搶新東議席

「4L」林健鋒、梁君彥、梁劉柔芬同劉皇發○八年退出自由黨,自立門戶成立經濟動力,經營兩年,明年立法會選舉將係四人組黨後嘅第一張「大考」試卷,但邊個會係經濟動力嘅立法會直選先鋒呢?答案極有可能係退出自由黨嘅西貢區議員方國珊。

外號「哪吒」嘅方國珊,最近拉攏數十名專業人士成立「專業動力」,似乎想以專業「旗號」殺出血路。不過,建制派消息指,呢啲好有可能只係煙幕,實情過往主力開拓將軍澳票源嘅哪吒,已經埋咗「新界王」劉皇發堆,打算結合鄉事票,揮軍明年立法會新界東議席。發叔唔係開善堂,唔會無條件撐哪吒,佢肯出手,可被視為經濟動力向哪吒下訂婚聘書。

唔急「結合」區選各搵食

消息話,槍打出頭鳥,哪吒同經濟動力唔會急於「結合」,預計年底區議會選舉之前,雙方都會以「各自搵食」姿態示人,到哪吒喺區選勝出,證明有力問鼎明年立法會選舉,先至一拍即合。屆時,新界東嘅鄉事票,將會三分天下,部分照舊投畀民建聯,發叔「嫡系」勢力就歸邊撐哪吒,而自由黨喺新東鄉事經營多年,亦有堅定支持者,但數量比前兩者都要少。

哪吒○八年曾為自由黨榮譽主席田北俊抬轎參選新界東,係黨內最有實力接棒參選新界東嘅第二梯隊,但去年底自由黨經歷高層人事動盪,「未來主席」田北辰退黨,有傳田少部署出山再戰新東,哪吒亦毅然退黨。哪吒退出自由黨,除咗為啖氣,亦為不甘再替人抬轎,出戰意濃,但係單打獨鬥,勝算更微,加盟經濟動力,借助發叔鄉事力量,似乎已係必經之路,現時只係時間性問題。

新東直選 形勢七國咁亂

建制派消息話,明年直選五區,以新界東最為兵荒馬亂,事關新增兩席至九席,同時贏取議席嘅得票門檻攤薄到只需百分之十一左右,必定引嚟各方覬覦,以現時牌面計,除哪吒同自由黨之外,仲有盛傳有意加入戰陣嘅工聯會葉偉明同新民黨嘅代表,新論壇龐愛蘭亦會捲土重來,民主黨會同分裂而出嘅新民主同盟爭票,民建聯部署分兩隊出戰,形勢七國咁亂,未到最後一刻都未知鹿死誰手。

對於埋經濟動力堆嘅講法,哪吒話自己退出自由黨冇幾耐,目前言之尚早,諗住同各個政黨合作一輪,至決定去向喎。

http://orientaldaily.on.cc/cnt/news/20110306/00176_081.html

TOP

Eddie,

你好怕方國珊選區議員嗎?
她這次又被誰利用了?

TOP

其實我一直有一個疑問,領都入伙後,在網上都可睇到好多投訴,如橋上臭味呀,通道往港鐵呀等等。

如果有人有心做野,真係大把機會比佢彈出來做野,但現實是,除方國珊外,冇一個人肯花時間,花心機去解決大家的問題。

好啦,人地居民支持方小姐啦,又要眼紅,乜心態呢?
1

評分人數

  • lmc@LP

TOP

TOP

邱騰華慘成最廢局長

火燒眼眉,政府終於意識都市垃圾問題大鑊,擴建堆填區唔成,又話要起焚化爐。環保組織地球之友最近翻查環境保護署自 1986年成立以嚟嘅紀錄,發覺早喺 80年代後期已經發現垃圾大幅增長嘅趨勢,唔同年代負責環保政策嘅最高官員都有提過減廢政策建議,可惜負責官員好似走馬燈咁換嚟換去,呢啲減廢建議唔係無影無蹤,就係無以為繼,最叻嗰幾樣到家都係龜速推行。

遠嘅唔好講,淨係回歸之後,蕭炯柱同佢前任太太廖秀冬,先後做過掌管環境政策嘅最高級官員,佢兩位在任時已經睇到堆填區好快爆滿,一定要喺源頭開始減廢,其中冬姨 05年公佈份《都市固體廢物管理政策大綱》算係最全面,邱騰華局長上任時肯肉緊啲跟住做,或者今日唔使為咗啲垃圾咁頭痕。
邱局長傾向硬銷焚化處理垃圾,源頭減廢仲係力度有限,難怪地球之友推選佢係歷任處理廢物中最「廢」局長。邱局長任期剩番年幾時間,已經被環保界睇死冇乜誠意同斤両搞好啲垃圾。其實,成個政府都係咁,唔只係人嘅問題,仲係制度出咗問題,究竟掌權者幾時先明。

http://hk.apple.nextmedia.com/te ... d=45&coln_id=20

TOP

堆填區「轉沼為能」落實無期

【記者陳素貞報道】港府計劃減少固體廢物送往堆填區處理,令到環境保護署與中華煤氣公司商討兩年的將軍澳堆填區沼氣轉化煤氣計劃臨門受阻,落實無期。煤氣公司承認因為未來送往堆填的廢物種類及數量受到影響,將會直接影響堆填區未來的沼氣產量,煤氣公司要重新研究是否有適合的技術增加該堆填區的沼氣產量,收集沼氣的計劃無限期押後。

將軍澳堆填區將沼氣轉化為能源的計劃至今未有落實時間。當局稱減溫室氣體排放○九年環境局與環保署曾「放風」,透露正與煤氣公司商討將軍澳堆填區沼氣轉化計劃。當局指將軍澳堆填區每日生產約廿八萬立方米沼氣,轉化為煤氣後每年亦可減排十四萬噸二氧化碳,同時可減少使用石腦油燃氣約四萬三千公噸,料計劃的供氣期至少達二十至三十年,將有助減少溫室氣體排放。

不過,當局去年擬徵用將軍澳郊野公園五公頃用地擴建堆填區觸礁後,先後公布必須興建焚化爐減少固體廢物堆填及增建廚餘處理中心,減少將會產生臭味的垃圾送往堆填,凡此種種安排,都影響到堆填區的沼氣產量。

有意在將軍澳堆填區興建廠房收集沼氣的煤氣公司直接受到影響,煤氣公司回覆本報查詢時表示,留意到政府正就固體廢物未來路向展開廣泛諮詢,其中包括未來送往堆填區處理的廢物種類和數量,這將會影響堆填區未來的沼氣產量,若堆填區只收集建築等固體廢料,難產生沼氣,煤氣公司要重新研究有否適合的技術方案,令沼氣量增加,現階段未有最後定案。

將軍澳居民難頂惡臭氣

環保署則稱,現仍與將軍澳堆填區承辦商及煤氣公司商討。該署亦正與新界西堆填區的承辦商,研究把剩餘沼氣利用的可行性。目前大埔船灣堆填區及新界西北堆填區的沼氣經處理後,亦會輸往煤氣公司的生產廠房。

西貢區議員方國珊對當局仍未有落實轉廢為能的時間表感到失望,認為步伐太慢。她指出,將軍澳堆填區釋出的沼氣含量高、臭味濃,當局在堆填區廿四小時燃燒沼氣,令到將軍澳區居民一直飽受臭氣和熱氣的煎熬,故希望當局盡快落實「轉沼為能」的計劃。

TOP

返回列表